Este mes de marzo protagonízao o león.
Autores: Clase das Margaridas
Leo é unha constelación moi fermosa e cunha forma claramente recoñecible no ceo.
Nas noites de marzo, de cara á media noite, poderemos observar esta constelación no alto do ceo:
A historia do león está relacionada coa lenda de Hércules, que di así:
Hai moito tempo naceu un neno chamado
Hércules. Era fillo de Zeus, o deus máis importante do Olimpo. Un día, mentres
Hera, a esposa de Zeus, o estaba aleitando, un pequeno chorro de leite escapou
polo ceo. Das gotas brancas formouse a Vía Láctea, que se ve nas noites máis
escuras coma unha estrada abrancazada de estrelas pequeniñas que van todas
xuntas.
Hera, que era a súa madrasta, non quería
moito o neno, e cando Hércules era pequeno e aínda estaba no berce, mandoulle
dúas serpes coa intención de que o afogasen. Pero o neno, que era moi forte e
valente, logrou matalas. Hera non se rendeu, e ao longo de toda a súa vida
intentou poñerlle trampas e crearlle problemas de todo tipo. Hércules tivo que
superar as probas máis perigosas. Debeu enfrontarse a animais terribles, como o
león e a hidra, un monstro con moitas cabezas que renacían a medida que se
cortaban. Tamén lle tocou loitar contra paxaros tan grandes como aguias, que
tiñan o bico e as garras de bronce; tamén gañou a unha cerva con cornos de ouro
e pés de cobre.
Non había proba ou fazaña que el non
puidese superar. Fíxose cada día máis forte e máis valente, ata que ao final el
foi tamén aceptado no Olimpo entre os deuses. De noite, as constelacións de
Hércules, da Hidra e do León, que brillan na bóveda celeste, recórdannos o
valor do fillo de Zeus.
Fonte: Universe in a box
No hay comentarios:
Publicar un comentario